Ինչ է սպասվում Վրաստանի տնտեսությանը 2022 թվականին՝ կապված Ուկրաինայի իրավիճակի հետ

Վրացի վերլուծաբաններն ակնկալում են Վրաստանի բոլոր տնտեսական ցուցանիշների վատթարացում՝ կապված Ուկրաինայում տիրող իրավիճակի հետ։

Միջազգային Galt & Taggart վերլուծական գործակալության վերլուծաբանների կարծիքով, վրացական տնտեսության համար հետեւանքները կախված կլինեն Ուկրաինայում ռուսական գործողության տեւողությունից։

Նրանց կարծիքով, եթե ամեն ինչ տևի 1-2 ամիս, ապա Վրաստանի տնտեսական աճը կկազմի 3%, կանխատեսված 5%-ի փոխարեն, գնաճը կլինի 7%, իսկ Վրաստանի ազգային արժույթի փոխարժեքը դոլարի նկատմամբ կկազմի 3,25 լարի/$1։

Միևնույն ժամանակ, զբոսաշրջությունը 2019 թվականի համեմատ կվերականգնվի միայն 75%-ով, կանխատեսվող 85%-ի փոխարեն, ըստ Galt & Taggart-ի։

Սակայն եթե գործողությունը շարունակվի և Ռուսաստանի դեմ պատժամիջոցները խստացվեն, ապա Վրաստանը կունենա բացասական տնտեսական աճ -1%, գնաճ՝ 9%, իսկ լարիի փոխարժեքը դոլարի նկատմամբ կկազմի 3,4 լարի/ $1։ 2019 թվականի համեմատ զբոսաշրջության վերականգնումը պետք է սպասել միայն 60 տոկոսի մակարդակում։

Մեկ այլ ֆինանսական հաստատության (TBC Capital) վերլուծաբանները նույնպես դիտարկում են վրացական տնտեսության զարգացման երկու սցենար՝ կախված Ուկրաինայում Ռուսաստանի գործունեության տեւողությունից։

Նրանց կարծիքով, օպերացիայի արագ ավարտի դեպքում ՀՆԱ-ի աճը կնվազի մինչև 3,5-4,0%, գնաճը միայն աննշան կաճի՝ նպատակային 3%-ի համեմատ, իսկ Վրաստանի ազգային արժույթի փոխարժեքը դոլարի նկատմամբ կկազմի 3,25 լարի / $1։ Այս դեպքում վերլուծաբանները կանխատեսում են տնտեսության արագ վերականգնում արդեն 2023 թվականին՝ համեմատելով ընթացիկ շրջանը համաճարակի հետ։

Այնուամենայնիվ, եթե գործողությունը շարունակվի ավելի քան երեք ամիս, և արտաքին բացասական գործոնները դեր ունենան, ապա Վրաստանի տնտեսությունը տարվա ընթացքում կաճի ընդամենը 0,5 տոկոսով, գնաճը նպատակայինից բարձր մակարդակի վրա՝ 10 տոկոսի սահմաններում, իսկ փոխարժեքը՝ լարին դոլարի նկատմամբ կկազմի 3,5 լարի/$1։

---

---