Տեղի ունեցավ Ռադիոնորի հերթական բարեգործական ակցիան, այս անգամ Ռադիոնորը մեկնեց Ջիգրաշեն գյուղ
Տեղի ունեցավ Ռադիոնորի անձնակազմի կողմից հերթական բարեգործական ակցիան:
Նինոծմինդսյի համայնքային ռադիոն առաջին անգամ չէ, որ իրականացնում է բարեգործություն: Այս անգամ մենք որոշեցինք ռադիոյի անձնակազմի կողմից սննդամթերքով օգնել Ջիգրաշեն գյուղի մի միայնակ բնակչուհու: Ակցիային իրենց մասնակցությունն ունեցան նաև Ռադիոնորի կամավորները:
Մեր ակցիաների նպատակն օգնել սոցիալապես անապահով ընտանիքներին և միայնակ ապրող մարդկանց այն ամենով, ինչով որ կարող ենք և դրանով օրինակ ծառայել հասարակության մյուս անդամների համար, որպեսզի անտարբեր չանցնեն կարիքավոր անձանց կողմից:
Ջիգրաշեն գյուղի բնակիչ 70-ամյա Պետիկ Եզեկյանը մենակ է ապրում, ինչքան որ թույլ է տալիս առողջությունը, նա զբաղվում է գյուղատնտեսությամբ: Նա իր ամբողջ կյանքը մենակ է ապրել, ինչպես մենք տեղեկացանք, նրան օգնում են իր զարմիկները: “Մենակությունը շատ վատ բան է, ոչ մեկին չեմ ցանկանում մենակ մնալ”‘- ասում է Պետիկ Եզեկյանը:
Մանրամասների մասին լսեք մեր նյութում.
Բորիս Ղարսլյան