Առաջիկա երկու ամսում հացի թանկացում չի նախատսվում
Առաջիկա երկու ամսում հացի թանկացման նախադրյալներ չկան»,- այս մասին հայտարարել է Ցորենի և ալյուր արտադրողների ասոցիացիայի գործադիր տնօրեն Լևան Սիլագավան։
Նա ասաց, որ հանրապետությունում մեկ ամիս ցորենի և ալյուրի պաշար կա, հետևաբար որևէ ակնթարթային հարվածի հավանականություն չկա։
«Մեզ համար, ինչպես նաև պետության համար այս փուլում կարևոր է ամեն գնով երկրում պաշարների մատակարարում ունենալը, քանի որ երկրները ցորեն են փնտրում և փորձում են հաստատվել լոգիստիկ նոր գծի վրա։ Գինը բարձր կլինի, բայց ցորենը հաստատ կհոսի, դրա երաշխիքը կա։ Եթե գները սկսել են տատանվել՝ ելնելով նույն ցորենի գնից կամ լարիի փոխարժեքից, ապա դա արդեն պետության իրավասությունն է։ Մեզ հետ հանդիպմանը նրանք հայտարարեցին, որ այս տատանման դեպքում պատրաստ են որոշակի սուբսիդավորման մեխանիզմով միջամտել, որպեսզի բնակչությունը դա չզգա հացի թանկացման հետ կապված։ Մենք ունենք պաշարներ, որոնք մեզ շատ են պաշտպանում։ Սա անվտանգության բարձ է», – բացատրեց Լևան Սիլագավան:
Ինչ վերաբերում է երկարաժամկետ հեռանկարին, ապա, ըստ Լևան Սիլագավայի, ասոցիացիան արդեն աշխատում է այլընտրանքային շուկաներում, այդ թվում՝ Ղազախստանում։
