Բայդենը սպառնացել է Ռուսաստանին 3-րդ համաշխարհային պատերազմով
ԱՄՆ նախագահ Ջո Բայդենը Ռուսաստանին սպառնացել է երրորդ համաշխարհային պատերազմով ՆԱՏՕ-ին սպառնացող քայլերի դեպքում։ Այս մասին ամերիկացի առաջնորդը հայտարարել է դեմոկրատական համաժողովում, փոխանցում է «ՌԻԱ Նովոստին»։
Բայդենի խոսքով՝ նա արդեն 12 հազար զինվոր է ուղարկել սահմանային գոտիներ՝ Լատվիա, Էստոնիա և Ռումինիա։
«Որովհետև եթե լինի թեկուզ մեկ շարժում, ես երաշխավորում եմ, որ կարձագանքենք։ Եվ կլինի երրորդ համաշխարհային պատերազմ։ Բայց մենք սուրբ պարտավորություն ունենք»,- ասել է ԱՄՆ նախագահը։
Ավելի վաղ Բայդենը հայտարարել էր, որ Մոսկվան թանկ կվճարի, եթե ռուս զինվորականներն Ուկրաինայում քիմիական զենք օգտագործեն։ Պետության ղեկավարն ընդգծել է, որ Ռուսաստանի և ՆԱՏՕ-ի միջև հնարավոր պատերազմը կվերաճի երրորդ համաշխարհային պատերազմի։ Նա հայտարարել է իրադարձությունների նման զարգացումից խուսափելու անհրաժեշտության մասին։
«Ուկրաինայում մենք չենք պատերազմելու Ռուսաստանի դեմ. ՆԱՏՕ-ի և Ռուսաստանի միջև ուղիղ առճակատումը երրորդ համաշխարհային պատերազմ է, և մենք չպետք է սկսենք այն», – եզրափակել է Բայդենը:
Opinion, pooling and voting
