Ռուսաստանը և Հնդկաստանը կընդլայնեն հաշվարկները ազգային արժույթով
Մոսկվան և Նյու Դելին համագործակցում են ազգային արժույթներով հաշվարկների ընդլայնման հարցում։ Այս մասին հայտարարել է Հնդկաստանում ՌԴ դեսպան Դենիս Ալիպովը, փոխանցում է ՏԱՍՍ-ը։
«Ռուբլի-ռուփի հաշվարկման մեխանիզմն արդեն կա և կիրառվում է։ Հարցն այս փուլում դրա կիրառման ընդլայնումն է»,- ասել է դիվանագետը։
Ալիպովը նաեւ նշել է, որ հնդկական կողմը հասկանում է Ուկրաինայում ռուսական հատուկ գործողության նպատակները եւ Եվրոպայում անվտանգության իրավիճակի ծագումը։ «Սա պատճառներից մեկն է, որ Հնդկաստանն այժմ բավականին հավասարակշռված դիրք է գրավում այն սրման հետ կապված, որը մենք տեսնում ենք», – ասել է նա:
Ավելի վաղ Հնդկաստանի ԱԳՆ պաշտոնական ներկայացուցիչ Արինդամ Բագչին հայտարարել էր, որ երկրի իշխանությունները դիտարկում են նավթի մատակարարումների բոլոր տարբերակները, այդ թվում՝ Ռուսաստանից։ Մինչ այդ հայտնի էր դարձել, որ Հնդկաստանի իշխանությունները մտածում էին 15 մլն բարել ռուսական նավթ ներկրելու մասին։
Opinion, pooling and voting
