Լարսը փակ է

Միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում, ըստ Շրջակա միջավայրի ազգային գործակալության, ձնահյուսի վտանգի աստիճանը բարձր է, ինչի պատճառով այս հատվածով արգելված է բոլոր տեսակի տրանսպորտային միջոցների տեղաշարժը։

Շրջակա միջավայրի ազգային գործակալության տվյալներով՝ Մլետա-Գուդաուրի հատվածում երթևեկությունը կիրականացվի առանց կանգառի։

Ճանապարհի մնացած հատվածում երթևեկությունն ազատ է։

Ճանապարհների վարչությունը կոչ է անում բնակչությանը պատշաճ երթևեկել և ենթարկվել ավտոճանապարհներին սահմանված ռեժիմներին։