Հայտնաբերվել է 18 տարի առաջ անհետ կորած 9-ամյա աղջկա դին

Գորիում մարդու դի է հայտնաբերվել: Այս մասին տեղեկությունը Վրաստանի Առաջին ալիքին հաստատել են ՆԳ նախարարությունից։ Այլ մանրամասներ այս պահին հայտնի չեն: Գերատեսչությունից հայտնում են, որ հետաքննությունը շարունակվում է։

Սակայն, տարածված տեղեկությամբ հայտնաբերվել է 2004 թվականին անհետացած դեռահասի մարմինը: Այդ մասին տեղեկությունը տարածել են 18 տարի առաջ կորած դեռահասի հարազատները։ Այս ընթացքում Գորիի տարբեր շրջաններում ընտանիքը փնտրում էր երեխայի դին։

Դիակը հայտնաբերվել է այսպես կոչված Կոմբինատի բնակավայրում, գետի մոտ։ Դեռ հայտնի չէ, թե կոնկրետ վայրում ինչի հիման վրա են որոնողական աշխատանքներ սկսել։

Ընտանիքը երեխայի սպանության մեջ մեղադրում է Յագո Նեբիերիձեին, ում դատարանը 2019 թվականին դատապարտել էր ցմահ ազատազրկման՝ իննամյա Նանիկո Բերիաշվիլիի սպանության համար։

---

---