Բարձրաստիճան ոստիկանի մասնակցությամբ մահվան ելքով վթար է տեղի ունեցել

Արևմտյան Վրաստանում մահվան ելքով վրաերթ է տեղի ունեցել Մարտվիլիի շրջանի ոստիկանության բաժնի պետի տեղակալի մասնակցությամբ։ Փաստը հաստատում են դատախազությունից։

Վթարը տեղի է ունեցել այսօր Մարտվիլիի մունիցիպալիտետի Խումցի գյուղում (Սամեգրելո- Զեմո Սվանեթի): Գործակալության տվյալներով՝ Mitsubishi ամենագնացը, որը վարել է ոստիկան Դ.Գ.-ն, բախվել է Mercedes մակնիշի ավտոմեքենային։

Վթարի հետևանքով երկու վարորդներն էլ վնասվածքներ են ստացել, իսկ երկրորդ մեքենայի ուղեւորը մահացել է։ Ըստ մամուլի հրապարակումների՝ խոսքը 80 տարեկան կնոջ մասին է։

Վթարի պատճառները կպարզվեն։ Հարուցվել է քրեական գործ՝ «Երթևեկության անվտանգության կամ տրանսպորտի շահագործման կանոնները խախտելը, որը հանգեցրել է մարդու մահվան» հոդվածով։

---

---