Ազգային բանկը քաղաքացիներին զգուշացնում է խարդախության սխեմայի մասին
Վրաստանի Ազգային բանկը քաղաքացիներին զգուշացնում է խարդախության սխեմայի մասին։
«Վերջին շրջանում սոցիալական ցանցերում հաճախակիացել են գովազդ պարունակող նյութերը, որոնց միջոցով ընկերությունը հաճախորդներին առաջարկում է ավանդ բացել բարձր տոկոսադրույքով։ «Սփերո Հոլդինգ»-ի կազմում գործող «Սֆեր Ինվեստ» կազմակերպությունն է, որը հաճախորդներին առաջարկում է «ավանդ» բացել բարձր տոկոսադրույքով գումարի ներդրման դիմաց։
Վրաստանի Ազգային բանկը տեղեկացնում է, որ այս ընկերությունը լիցենզավորված առևտրային բանկ կամ գրանցված ոչ բանկային ավանդապահ հաստատություն՝ վարկային միություն չէ։ Ըստ այդմ, գործող օրենքով նա իրավունք չունի ավանդ ստանալ կամ ավանդային պայմանագիր կնքել։
Ազգային բանկը ևս մեկ անգամ կոչ է անում քաղաքացիներին հատուկ ուշադրություն դարձնել իրենց անձնական միջոցները երրորդ անձանց վստահելիս և առաջին հերթին ստուգել ընկերության վստահելիությունն ու գործունեության վերաբերյալ տվյալները։
Հիշեցնենք, որ Ազգային բանկի կողմից լիցենզավորված և/կամ գրանցված կազմակերպությունների մասին մանրամասն և պարբերաբար թարմացվող տեղեկատվությունը հասանելի է Ազգային բանկի պաշտոնական կայքում, որտեղ ցանկացած հետաքրքրված անձ կարող է ստանալ անհրաժեշտ և համապարփակ տեղեկատվություն: Հավելյալ հարցերի դեպքում խնդրում ենք դիմել Վրաստանի Ազգային բանկի թեժ գծին՝ 2 406 406»,- ասված է Ազգային բանկի տարածած հաղորդագրության մեջ։
Opinion, pooling and voting
