Վրաց պատրիարքարանը հուսով է, որ Հռոմի պապի այցը կնպաստի տարածաշրջանում խաղաղության ամրապնդմանը
News Georgia լրատվական գործակալության փոխանցմամբ՝ Վրաստանի պատրիարքարանը կտրականապես անընդունելի է համարել Վրաց ուղղափառ եկեղեցու մի շարք հոգևոր անձանց հայտարարությունները, որոնք հանդես են գալիս Վրաստան Հռոմի պապ Ֆրանցիսկոսի այցի դեմ։
Այդ մասին նշված է պատրիարքարանի տարածած հայտարարության մեջ։ Դրանում պատրիարքարանը ողջունել է Հռոմի պապի առաջիկա այցը և հույս է հայտնել, որ նրա ժամանումը կնպաստի բազմակողմ փոխադարձ կապերի խորացմանն ու տարածաշրջանում խաղաղության ամրապնդմանը։
Պատրիարքարանը դատապարտել է Հռոմի պապի այցի դեմ հանդես գալը՝ ընդգծելով, որ Թբիլիսիում Ֆրանցիսկոսի կողմից պատարագ անցկացնելը անկարելի է ընկալել որպես ուղղափառներին կաթոլիկ դարձնելու փորձ։
Հռոմի պապը պաշտոնական այցով Վրաստան կժամանի այս տարվա սեպտեմբերի 30-ին։ Սեպտեմբերի 21-ին «Ուղղափառ ծնողների միություն» ծայրահեղական շարժումը Թբիլիսիում Վատիկանի դեսպանատան մոտ իրականացրել է բողոքի ակցիա՝ ընդդեմ Հռոմի պապի վրացական այցի։ Նրանք Վրաց պատրիարքին կոչ են արել բոյկոտել Հռոմի պապի հետ հանդիպումը։