Rompetrol-ի հավատարիմ հաճախորդները կստանան 20 թեթրի զեղչ

Rompetrol-ի բաժանորդները կարող են օգտվել զեղչի քարտից գազալցակայաններում։ Ընկերությունից հայտնում են, որ հավատարմության ծրագրի վերականգնման գործընթացը մեկնարկել է, և մայիսի 1-ից ծառայության հասանելիությունը հավատարիմ հաճախորդների համար կվերականգնվի։ Նշենք, որ ցանկացած տեսակի վառելիքի յուրաքանչյուր լիտրի զեղչի չափը՝ ստանդարտ 8, 12 և 15 թեթրիի փոխարեն (դասական, պրեմիում և ոսկե տիպի քարտեր ունեցողների համար) այժմ 20 թեթրի է։ Այս սակագինը կպահպանվի 4 ամիս։

«Հարգելի հաճախորդներ, մենք վերադարձել ենք լավ լուրով. հավատարմության ծրագրի աստիճանական վերականգնման գործընթացը սկսվել է, և մայիսի 1-ից մեր հավատարիմ հաճախորդները դեռ կարող են օգտվել «Ռոմպետրոլ Քարտից»։ Շնորհակալություն ձեր աջակցության և հավատարմության համար»,- ասված է ընկերության հայտարարության մեջ:

Նշենք, որ վերականգնվել է նաեւ Card.rompetrol.ge կայքի ֆունկցիոնալությունը, որտեղ նոր օգտատերերը արդեն սկսել են գրանցվել։ Ինչպես պարզաբանում է Rompetrol Georgia-ն, բջջային հավելվածի և կորպորատիվ կայքի ֆունկցիոնալությունը կվերականգնվի մոտ օրերս։

Հիշեցնենք, որ մարտի 6-ին «Ռոմպետրոլի» գլխամասային գրասենյակի սերվերների վրա կիբերհարձակման պատճառով ընկերության հաճախորդներին որոշ ժամանակով սահմանափակել են օգտվել տարբեր ծառայություններից, որոնց վերականգնման ուղղությամբ ընկերությունը ինտենսիվ աշխատում էր։ Ուշացումները վերացվել են փուլերով։ Տեխնիկական աշխատանքները դեռ շարունակվում են, թեև ծառայությունների մեծ մասն արդեն վերականգնված է։

---

---