ნინოწმინდის მუნიციპალიტეტში კარტოფილის თესვა დაიწყეს
უკვე რამდენიმე დღეა, რაც ნინოწმინდის მუნიციპალიტეტში მოსახლეობამ კარტოფილის თესვა დაიწყო.
მოსახლეობის ნაწილი ტექნიკით, მეორე ნაწილი კი ხელით თესავს.
სოფელ ყაურმის ერთ-ერთი მკვიდრი ჩვენთან ერთად საუბრისას თქვა: “ახლა საწვავის ფასმა ძალიან აიწია. ჩვენ ტექნიკა გვაქვს დასათესად და ამიტომ იმდენად არ გვიჭირს, მაგრამ ვისაც არ აქვს, რა უნდა გქნას? ასევე გაძვირებულია სასუქიც, შარშან ერთი ტომარა 42-45 ლარი ღირდა, ახლა კი 72-75 ლარი გახდა. 1 ჰა მიწის გამარგვლისთვის 1.50 ლარს ვიხდით, დათესვა კი 2.50 ლარი. მესამე სახეობის სათესლე კარტოფილი შევიძინეთ 80 თეთრად. არის ასევე 1-ლი და მე-2 სახეობის კარტოფილი, რომლებიც 1.20-1.50 ლარამდე ღირს. გაძვირების გამო წინა წლებთან შედარებით წელს ცოტას ვთესავთ.”
დეტალები აუდიჩანაწერში
აღსანიშნავია, რომ 2021 წლის დასაწყისში, 4 მაისის მდგომარეობით ვისოლის ბენზინგასამართ სადგურზე 1 ლიტრი პრემიუმ ბენზინი ღირს 2.92 ლარი, ჩვეულებრივი კი 2.57 ლარი. დიზელის საწვავის ფასი 2.42 ლარია, ევრო დიზელი კი 2.88 ლარი. 2022 წლის 14 აპრილის მონაცემებით, ამავე სადგურშივ 1 ლიტრი პრემიუმ ბენზინის ფასი 4 ლარს აღწევდა, რეგულარის – 3.65 ლარს, დიზელის საწვავის – 3.92, ევრო დიზელის კი – 4.48 ლარი.
საგაზაფხულო სამუშაოების დაწყების წინ აზოტის ფასი გაორმაგდა. საქართველოში წარმოებული 45 ლარიანი აზოტის ფასი 75 ლარამდეა ასული.საზღვარგარეთიდან შემოსული აზოტი კი შარშან ღირდა 80 ლარი, ახლა კი 150 ლარამდე.
ფერმერები 1 ჰა მიწისთვის იყენებენ დაახლოებით 10 ტომარა სასუქს, საიდანაც 20-25 ტონა მოსავლის აღებას ელიან.
Opinion, pooling and voting
