Մայիսի 24 -ից մեկնարկում է առաջին դասարանցիների համընդհանուր գրանցումը

Կրթության նախարարության տեղեկացմամբ՝ առաջին դասարանցիների համընդհանուր էլեկտրոնային գրանցումը կսկսվի Մայիսի 24-ից ժամը 09:00-ն և կավարտվի Հունիսի 15-ին՝ ժամը 18:00-ին:

Գրանցումը կկատարվի Կրթության կառավարման տեղեկատվական համակարգի գրանցման. Registration.emis.ge պաշտոնական կայքում: Գրանցումը կատարվում է ծնողի/օրինական խնամակալի կողմից: Էլեկտրոնային եղանակով գրանցված աշակերտին գրանցվելու համար անհրաժեշտ փաստաթղթերը կներկայացվեն 2022 թվականի Հունիսի 16-ից մինչև Հունիսի 30-ը։ Փաստաթղթերը սահմանված ժամկետում չներկայացնելու դեպքում գրանցումն ավտոմատ կերպով կչեղարկվի:

IV փուլ – դպրոցներում կիրականացվի 2022 թվականի Հուլիսի 4-ից Հուլիսի 12-ը։ Այն աշակերտները, ովքեր չեն գրանցվել I, II և III փուլերում, կամ ովքեր ցանկանում են փոխել գրանցումը, կգրանցվեն այս փուլում թափուր կամ ազատված թափուր տեղերի համար:

Չորրորդ փուլում աշակերտի գրանցումն ապահովում է հանրակրթական դպրոցը՝ ծնողի/օրինական ներկայացուցչի կողմից ներկայացված անհրաժեշտ փաստաթղթերի հիման վրա:

Փաստաթղթերի ներկայացումը կշարունակվի Հունիսի 16-ից Հունիսի 30 -ը:

Առաջին դասարան ընդունվելու համար անհրաժեշտ փաստաթղթերը.

Աշակերտի օրինական ներկայացուցչի հայտարարություն, որը պետք է ներառի օրինական ներկայացուցչի բնակության վայրի և հեռախոսահամարի մասին տեղեկատվություն;

Աշակերտի ծննդյան վկայականի կամ անձը հաստատող փաստաթղթի պատճենը և Վրաստանում բնակության փաստաթղթի պատճենը (եթե այդպիսիք կան):

Վրաստանի կրթության և գիտության նախարարությունը կոչ է անում ծնողներին ուշադիր ուսումնասիրել գրանցման պայմանները, որպեսզի իրենց երեխան կարողանա ժամանակին և անխափան մուտք գործել դպրոց: sknews.ge

• Վրաստանում փոխվել են առաջին դասարանցիների գրանցման ժամկետները

---

---