ԵՄ Խորհուրդը համաձայնեցրել է Վրաստանի համար վիզային ռեժիմի վերացման շուրջ բանակցային դիրքորոշումը

ԵՄ Խորհուրդը համաձայնեցրել է Վրաստանի քաղաքացիների համար վիզային ռեժիմի չեղյալ հայտարարման շուրջ բանակցային դիրքորոշումը:

ԵՄ մշտական ներկայացուցիչների հանձնաժողովը հաստատել է Վրաստանին ոչ վիզային ռեժիմ հատկացնելու մասին Եվրոպական հանձնաժողովի առաջարկը:

Ընդգծվում է, որ որոշումն ընդունել է ԵՄ մշտական ներկայացուցիչների հանձնաժողովը (Coreper), որը հաստատել է ԵՄ Խորհրդի բանակցային դիրքորոշումը վիզային ռեժիմը վերացնելու վերաբերյալ:

Ավելի վաղ Եվրոպական խորհրդարանի՝ քաղաքացիական ազատությունների, արդարադատության ու ներքին հարցերով հանձնաժողովը ձայների մեծամասնությամբ աջակցություն է հայտնել ԵՄ կողմից Վրաստանի համար վիզային ռեժիմի վերացմանը:

---

---