Պոլիէթիլենային տոպրակների նկատմամբ վերահսկողությունը թույլ է. Նախարարություն
Վրաստանում 2019 թվականի հուլիսից արգելվում է ցանկացած հաստությամբ պոլիէթիլենային տոպրակների արտադրությունը, ներմուծումն ու վաճառքը, սակայն շուկայում պոլիէթիլենային տոպրակների արտադրությունն ու վաճառքը դեռ շարունակվում է։
«Պոլիէթիլենային տոպրակների արտադրության պատճառով փակվել է մինչև 60 ձեռնարկություն»,- հայտնել են շրջակա միջավայրի և գյուղատնտեսության նախարարությունից։
Փոխնախարար Սոլոմոն Պավլիաշվիլիի խոսքով՝ ամենամեծ խնդիրը դիստրիբյուտորների և մանրածախ ցանցերի ստուգումն է։ Ըստ այդմ՝ Պավլիաշվիլին կոչ է անում մունիցիպալ տեսչություններին ուժեղացնել վերահսկողության մեխանիզմները։ Նրա խոսքով՝ բոլորը պետք է կատարեն կանոնակարգով սահմանված պարտավորությունը՝ դադարեցնել օրենքով արգելված պոլիէթիլենային տոպրակների վաճառքը հիմնական առեւտրային ցանցերից։
«Մեկ ամիս առաջ իրականացված ստուգման արդյունքում բացահայտվել է շուրջ 60 ձեռնարկություն, որոնք կրկին զբաղվել են պոլիէթիլենային տոպրակների արտադրությամբ։ Դրանք կնքվել են, պոլիէթիլենային տոպրակները նույնպես հանվել են, որպեսզի չվաճառվեն։ Ներմուծումը վերահսկվում է մաքսայինի կողմից։ Ձեռնարկությունները վերահսկվում են նախարարության կողմից, իսկ դիստրիբյուտորներն ու մանրածախ առևտուրը վերահսկվում են մունիցիպալ տեսչությունների կողմից։
Եթե սրան խիստ չմոտենանք, ապա ստուգելը շատ դժվար կլինի։ Կարծում եմ՝ ամեն մեկն իր վրա պետքէ վերցնի իր պարտականությունները, թույլ կողմը քաղաքապետարաններիի տեսչություններն են։ Ուստի քաղաքապետարանները պետք է հանեն պոլիէթիլենային տոպրակները առևտրային ցանցերից և ստուգեն դրանք: Ո՛չ նախարարությունը, ո՛չ մաքսայինը դա չեն կարող ստուգել։ «Բոլորը պետք է կատարեն կանոնակարգով իրենց պարտավորությունները». – ասում է շրջակա միջավայրի պահպանության և գյուղատնտեսության փոխնախարար Սոլոմոն Պավլիաշվիլին։
Opinion, pooling and voting
