Ոչ մի տեղաշարժ. բեռնատարները Թբիլիսիի մոտ արդեն երրորդ շաբաթն է կանգնած են
Թբիլիսիի մուտքի մոտ վրաց-հայկական սահմանի կողմից (Քվեմո Քարթլիի շրջան) բեռնատար մեքենաների մի քանի կիլոմետրանոց խցանում է առաջացել, հայտնում է Sputnik Georgia-ն։
Որոշ բեռնատարներ արդեն երրորդ շաբաթն է այստեղ են կանգնած, և վարորդները ենթադրում են, որ այս տեմպերով մոտ երկու շաբաթ էլ կմնան Վրաստանի տարածքում։ Նրանք խոստովանում են, որ գտնվում են վատ վիճակում՝ ապրանքը փչանում է, իսկ պարապուրդի յուրաքանչյուր օրվա համար իրենցից տուգանք է գանձվում։
«Վեց օր է, ինչ Վրաստանում եմ, բայց հերթի վերջում կանգնած եմ, 18-20 օր է տղաները կանգնած են, ինչպես տեսնում եք, մեքենաները շատ են։ Այստեղ 300 բեռնատար է կանգնած, ջուր չկա, ոչինչ, պետք է գոյատևել այս պայմաններում»,- ասել է բեռնատարի վարորդներից մեկը։
Վարորդների խոսքով՝ պատճառն այն է, որ մաքսայինը չի կարողանում դիմակայել մեքենաների հոսքին, քանի որ երկու տարի անց Ռուսաստանի և Վրաստանի միջև ցամաքային սահմանը բացվել է քաղաքացիների համար։ Երկու երկրների միջև սահմանը փակվել է 2020 թվականի մարտին՝ կորոնավիրուսի համաճարակի պատճառով։