«Ռեալը» 14-րդ անգամ նվաճեց Չեմպիոնների լիգայի գավաթը
Փարիզում անցկացված ֆուտբոլի եվրոպական Չեմպիոնների լիգայի եզրափակիչում Իսպանիայի չեմպիոն Մադրիդի «Ռեալը» նվազագույն հաշվով առավելության հասավ Անգլիայի փոխչեմպիոն «Լիվերպուլի» նկատմամբ։
Առաջին խաղակեսում զգալի առավելություն ուներ գերմանացի Յուրգեն Կլոպի գլխավորած թիմը։ «Լիվերպուլը» 5 հարված կատարեց, բոլորն էլ հետ մղեց «Ռեալի» բելգիացի դարպասապահ Տիբո Կուրտուան։
Առաջին խաղակեսի վերջին րոպեներին «Ռեալի» ֆրանսիացի հարձակվող Քարիմ Բենզեման գրավեց բրազիլացի Ալիսոն Բեքերի պաշտպանած դարպասը, սակայն VAR-ը գրանցեց խաղից դուրս վիճակ։
Իտալացի Կառլո Անչելոտիի գլխավորած թիմին հաղթանակ բերեց 59-րդ րոպեին ուրուգվայցի կիսապաշտպան Ֆեդերիկո Վալվերդեի սուր փոխանցումից հետո բրազիլացի հարձակվող Վինիսիուս Ժունիորի խփած գոլը։ Երկրորդ խաղակեսում եւս 4 սեյվ կատարեց Տիբո Կուրտուան։
«Ռեալը»14-րդ անգամ նվաճեց Չեմպիոնների լիգայի գավաթը։ Նախորդ անգամ մադրիդյան թիմը տիտղոսը նվաճել էր 2018-ին Փարիզում՝ դարձյալ հաղթելով «Լիվերպուլին» (3։1)։ news.am
Opinion, pooling and voting
