2023 թվականից գազի սակագինը կբարձրանա

Վրաստանի էներգետիկայի և ջրամատակարարումը կարգավորող հանձնաժողովի նախագահ Դավիթ Նարմանիայի խոսքով՝ 2023 թվականից գազի սպառման սակագնի բարձրացում է սպասվում։

«Ներմուծվող էլեկտրաէներգիայի գինը վերջին տարիներին թանկացել է, բայց այս փուլում սակագների վրա ճնշում չունենք։ Առատ տեղումների պատճառով անցյալ տարի արտադրությունն ավելացավ, Էնգուրի ՀԷԿ-ը վերականգնվեց, այս միտումը շարունակվում է, և առատ տեղումների պատճառով մենք ավելի էժան էլեկտրաէներգիա արտադրեցինք։ Հետեւաբար այս փուլում աճ չի սպասվում։

Ինչ վերաբերում է գազին, ապա բնական գազի գործող սակագները սահմանվում են մինչև 2022 թվականի վերջ, որից հետո կսահմանվեն սպառողական նոր սակագներ։ «Գազի գնի մեծ թանկացում չենք ակնկալում, թեև որոշ բաղադրիչներ կթանկանան, բայց դա մեծ ու շոշափելի չի լինի»,- «ԲիզնեսՊրեսնյուզ»-ին ասաց Դավիթ Նարմանիան։

Հիշեցնենք, որ Վրաստանի շրջանների մեծ մասում 2017 թվականից առ այսօր կենցաղային ոլորտի համար բնական գազի 1 խմ-ը կազմում է մոտ 57 թեթրի։ Օրինակ, SOCAR Georgia Gas-ի՝ մարզերում գազաբաշխման խոշորագույն ընկերության կենցաղային բաժանորդները մեկ խորանարդ մետրի համար վճարում են 56,9 թեթրի։ «Tbilisi Energy»-ի կենցաղային բաժանորդների համար 2021 թվականի հունիսի 1-ից բնական գազի 1 խորանարդ մետրը կարժենա 53,9 թեթրի։ Այս սակագները գործում են մինչև 2022 թվականի դեկտեմբերի 31-ը։

---

---