Ոստիկանների համար նոր բնակավայր կկառուցվի
Վրաստանի վարչապետ Իրակլի Ղարիբաշվիլին ոստիկանության օրվան նվիրված միջոցառման ժամանակ հայտարարել է, որ ոստիկանների համար հազարից ավելի բնակարան ունեցող բնակավայր է կառուցվելու։
Վարչապետ դիմելով ոստիկաններին՝ ասել է, որ այս դժվար մասնագիտությունն ընտրողներին պետք է սատարել։
«Իմ մեծ մեծ ցանկությունն էր, մի քիչ առաջ էլ պարոն Վախթանգ Գոմելաուրիի հետ որոշեցինք մեր հերոս ոստիկանների համար կառուցել բնակավայր: Սա կլինի առաջին փուլը, իհարկե կշարունակվի: Նախագիծը կսկսվի այս տարի, և մենք կկարողանանք երջանկացնել բազմաթիվ ընտանիքների»,- ասել է Ղարիբաշվիլին:
Վարչապետի խոսքով, բոլորի պարտքն է պատշաճ կերպով գնահատել բոլոր այն մարդկանց, ովքեր նվիրում են իրենց կյանքը վրաց ժողովրդին և Վրաստանին.
«Զարգացող երկրում, որտեղ նոր բնակելի տարածքներ են կառուցվում, որտեղ տարեցտարի ավելանում է օտարերկրյա զբոսաշրջիկների հոսքը, անհրաժեշտություն կա նաև նոր շենքեր կառուցել ոստիկանների համար։ Մենք արդեն հայտարարել ենք և կկրկնենք, որ Վրաստանի բոլոր խոշոր քաղաքներում կամ շրջաններում ոստիկանական ենթակառուցվածքները պետք է կառուցվեն, կահավորվեն և դասավորվեն ժամանակակից չափանիշներով»:
Ղարիբաշվիլին նաև նշել է, որ ոստիկանության նոր ենթակառուցվածքի բյուջեն կազմում է մոտ 300 մլն լարի (մոտ 101 մլն 694 հազար 915 դոլար):
«Մենք նախատեսում ենք այս գործընթացն ավարտել երեք տարում»,- հավելել է վարչապետը:aliq.ge
Opinion, pooling and voting
