Մարդակերության հնարավոր դեպք Թբիլիսիում

Թբիլիսիի ծայրամասում ոստիկանները փակել են բնակարան, որտեղ մեծ քանակությամբ փչացած միս է եղել: Լրագրողները խոսում են մարդակերության հնարավոր դեպքի մասին.

Սանզոնա թաղամասի տներից մեկի բնակիչները 112 ծառայությանը բողոքել են չորրորդ հարկի բնակարանից մի քանի շաբաթ առաջացած տհաճ հոտից։

Դեպքի վայր ժամանած ոստիկանները ստիպված են եղել կոտրել դուռը, քանի որ տանտիրուհին այն չի բացել։ Ներսում հայտնաբերվել է մեծ քանակությամբ քայքայվող միս, արտաթորանքով տարաներ և արյան տեսք ունեցող հեղուկ։ Այս ամենը տարվել է փորձաքննության՝ լաբորատորիայում կպարզեն՝ արդյոք միսը մարդու է ։

Բնակարանի սեփականատերը 44-ամյա բժիշկ է, հայտնում է Pirveli հեռուստաալիքը։ Նա հրաժարվում է շփվել լրատվամիջոցների հետ, նրա հարազատներն ու աշխատակիցները նույնպես չեն մեկնաբանում։

Հարևանները պատմել են, որ կինը մենակ է ապրել և գրեթե չի խոսել իրենց հետ։ Թվարկելով կասկածելի հանգամանքներ՝ նրանք նշում են, որ երկար ժամանակ չեն տեսել թերապևտի տարեց մորը, ինչպես նաև նրա ընկերոջը։

ՆԳՆ-ն խնդրել է սպասել փորձաքննության եզրակացությանը։ Գերատեսչությունում հաստատել են, որ հետաքննություն է սկսվել, սակայն չեն նշել, թե որ հոդվածով։

Վրաստանում հինգ տարի առաջ մարդակերության դեպք է գրանցվել. Հետո թոշակառուի սպանության աղմկահարույց դեպքը ցնցեց ողջ երկիրը. 76-ամյա կնոջ սպանության մեջ ներգրավված էր եղել 6 մարդ, այդ թվում՝ նրա որդեգրած դուստրը։ ՆԳՆ-ն հետո հայտարարեց ծիսական սպանության մասին, իսկ մեղադրյալներից մեկը դատավարության ժամանակ խոստովանեց, որ կերել է սպանված կնոջ սիրտը։

---

---