Աճուրդով վարձակալության տրվող արոտավայրերի թիվն ավելացել է
«Պետական սեփականություն հանդիսացող արոտավայրերի հասանելիություն» ծրագրի շրջանակներում ընտրվել և հրապարակվել են երկրորդ փուլում աճուրդով վարձակալության ենթակա գյուղատնտեսական նշանակության հողամասերի տվյալները։ Տեղեկությունը հրապարակում է գյուղատնտեսության նախարարությունը։
Հրապարակվել են Կախեթիի, Սամցխե-Ջավախքի, Մցխեթա-Մթիանեթիի և Շիդա Քարթլիի շրջանների արոտավայրերի տվյալները։ Սիղնաղիի մունիցիպալիտետից՝ 21, Ախմետայից՝ 4, Դեդոփլիսծղարոյից՝ 64, Սագարեջոյից՝ 12, Կվարելիից՝ 3, Ախալցխայից՝ 4, Նինոծմինդայից՝ 2, Բորժոմիից՝ 2, Մցխեթից՝ 3, իսկ Գորիի մունիցիպալիտետից՝ 1, ընդհանուր 116 միավոր։
Արոտավայրերի վարձակալության երկրորդ փուլի հայտերը սկսվել են հունիսի 22-ից և կտևեն մինչև օգոստոսի 5-ը։
Արոտավայրերի վերաբերյալ մանրամասն տեղեկատվություն հասանելի է Հողերի կայուն կառավարման և հողօգտագործման մոնիտորինգի ազգային գործակալության և Շրջակա միջավայրի պահպանության և գյուղատնտեսության նախարարության կայքերում (land.gov.ge, mepa.gov.ge), ինչպես նաև Գործակալության ֆեյսբուքյան պաշտոնական էջում։
«Պետական սեփականություն հանդիսացող արոտավայրերի հասանելիություն» պետական ծրագիրը հաստատվել է Վրաստանի կառավարության կողմից 2021 թվականի հոկտեմբերի 6-ին։ Ծրագիրը թույլ է տալիս խոշոր եղջերավոր և մանր եղջերավոր անասուններ ունեցող ֆերմերներին աճուրդի միջոցով ձեռք բերել ցանկալի արոտավայրը և տնօրինել այն եռամյա վարձակալության պայմանագրով:
Opinion, pooling and voting
