Վրաստանը կունենա հանգստավայրերի համար պատասխանատու նոր գործակալություն
Վրաստանում կստեղծվի նոր վարչություն՝ Առողջարանների զարգացման գործակալությունը, որը պատասխանատու կլինի երկրի զբոսաշրջային ուղղությունների զարգացման համար, այս մասին որոշում է կայացրել երկրի կառավարությունը։
Նոր գերատեսչությունը լինելու է էկոնոմիկայի նախարարության ենթակայությամբ և աշխատանքը կսկսի հուլիսի 15-ից։
Ինչպես պարզաբանում են էկոնոմիկայի նախարարությունից, Առողջարանների զարգացման գործակալության հիմնական խնդիրները լինելու են բալնեոլոգիական(կուրորտների տեսակ է, որտեղ հիվանդությունների բուժման և կանխարգելման, հանգստի և կազդուրման նպատակներով օգտագործվում են բնական տաք և սառը հանքային ջրերը) և լեռնային հանգստավայրերի զարգացումն ու խթանումը, ինչպես նաև նոր հանգստավայրերի զարգացումը։
Գործակալությունը կուսումնասիրի առողջարանային վայրերի ներուժը, կաշխատի համապատասխան ենթակառուցվածքների ստեղծման և ներդրումների ներգրավման ուղղությամբ։
Ընդհանուր առմամբ, Վրաստանում կա մինչև 300 առողջարանային գոտի։ Բնակչության շրջանում ամենապահանջվածն են սեւծովյան եւ ձմեռային լեռնային հանգստավայրերը։
Opinion, pooling and voting
