Թբիլիսիում 65-ամյա տղամարդը սպանել է 58-ամյա կնոջը

Թբիլիսիում 65-ամյա տղամարդը սպանել է 58-ամյա կնոջը

Թբիլիսիում 65-ամյա տղամարդը վիճաբանության ժամանակ սպանել է կնոջը՝ նա 58 տարեկան էր։ Այս մասին հայտնում է Վրաստանի ՆԳՆ-ն։

Ոստիկանությունից հայտնում են, որ ամուսինը բութ առարկայով հարվածել է կնոջ գլխին, նա տեղում մահացել է։

Տղամարդուն ձերբակալել են հանցագործության վայրում։ Նրան մեղադրանք է առաջադրվել Քրեական օրենսգրքի 11-պրիմա 109 հոդվածով՝ ընտանիքի անդամի դիտավորյալ սպանություն։

Տղամարդուն սպառնում է 16-ից 20 տարվա ազատազրկում կամ ցմահ ազատազրկում։

Ըստ լրատվամիջոցների՝ տղամարդու անունը Զաքրո Վարդիաշվիլի է։ Նա ծանր մուրճով հարվածել է կնոջը։ Սպանությունը տեղի է ունեցել Ժոնետի փողոցում։

Ամսվա սկզբից Վրաստանում սա երկրորդ նման դեպքն է։ Մինչ այդ՝ հուլիսի 1-ին, Քութաիսիում ամուսինը վիճաբանության ժամանակ սպանել էր կնոջը։

Ընտանեկան բռնությունը Վրաստանում ամենատարածված հանցագործություններից է, գողության և թմրամիջոցների հետ կապված հանցագործությունների հետ մեկտեղ:

Opinion, pooling and voting