Պլաստիկի մասնիկներ մսի եւ կաթի նմուշներում

Ամստերդամի Ազատ համալսարանի գիտնականները միկրոպլաստիկի մասնիկներ են հայտնաբերել իրենց կողմից փորձարկման ենթարկված մսի եւ կաթի նմուշների երեք քառորդում, հայտնում է The Guardian-ը։

Գիտնականները փորձարկել են կովերի արյան 12 եւ խոզերի արյան 12 նմուշ ու բոլորում հայտնաբերել են միկրոպլաստիկի մասնիկներ, այդ թվում՝ պոլիէթիլեն եւ պոլիստիրոլ: Կաթի 25 նմուշները եղել են սուպերմարկետներում ստվարաթղթե տուփերից ստացված կաթից մինչեւ ֆերմաներում կաթի տարաների եւ կթած կաթի նմուշներ: Տասնութ նմուշներ, որոնցում յուրաքանչյուր տեսակի առնվազն մեկ նմուշ, պարունակել են միկրոպլաստիկ նյութեր:

«Մենք հրատապ պետք է ազատենք աշխարհը կենդանիների կերերում առկա պլաստիկից, որպեսզի պաշտպանենք անասունների եւ մարդկանց առողջությունը», – ասել մասնագետներից Մարիա Վեստերբոսը:

Ավելի վաղ հետազոտողների նույն խումբը հայտնել էր մարդկանց արյան մեջ միկրոպլաստիկ նյութերի հայտնաբերման մասին:

---

---