Ավտոմեքենայի գողության մեղադրանքով մեկ անձ է ձերբակալվել

Վրաստանի ՆԳ նախարարության պարեկային ոստիկանության վարչության աշխատակիցները, ձեռնարկված քննչական գործողությունների արդյունքում, Ուկրաինայի քաղաքացի, 1988 թվականին ծնված Վ.Ֆ.-ին ձերբակալել են Թբիլիսիում, ավտոմեքենայի գողության մեղադրանքով։

«Քննությամբ պարզվել է, որ մեղադրյալն ապօրինաբար տիրացել է 1993 թվականին ծնված Մ.Մ.-ին պատկանող ավտոմեքենային և թաքնվել դեպքի վայրից։ Պարեկային ոստիկանության բաժնի ծառայողների ձեռնարկած հետախուզական և որոնողական միջոցառումների արդյունքում անմիջապես պարզվել է ավտոմեքենայի գտնվելու վայրը, բացահայտվել և ձերբակալվել է հանցագործության ենթադրյալ անձը»,- ասված է ՆԳ նախարարության տեղեկատվության մեջ։

Նախաքննությունը տարվում է Քրեական օրենսգրքի 177-րդ հոդվածի 3-րդ մասի «Դ» ենթակետով։ Հանցագործությունը պատժվում է չորսից յոթ տարի ազատազրկմամբ։ 1tv.ge