Նինոծմինդայում հացը կթանկանա թե՞ ոչ
Ամբողջ աշխարհում տարբեր ապրանքների և ծառայությունների գներն աճում են, և հացաբուլկեղենը բացառություն չէ:
Առեւտրային սպառողների համար բնական գազի թանկացման հայտարարությունից հետո անմիջապես խոսվեց հացի թանկացման մասին։ Gruzstat-ի տվյալներով՝ հացամթերքը Վրաստանում մեկ տարվա ընթացքում թանկացել է 35%-ով։ Պարզելու համար, թե արդյոք փոփոխությունը ազդե՞լ է Նինոծմինդայի մունիցիպալիտետի վրա, մենք շրջեցինք քաղաքի հացաբուլկեղենների արտադրամասերով։
Նինոծմինդայում հացի գինը մինչ այժմ մնացել է նույնը, սակայն հացի փռերը նշում են, որ գազի սակագնի բարձրացման պատճառով հացը կարող է թանկանալ։ Բացի բնական գազից, աստիճանաբար բարձրանում է ալյուրի գինը. Նինոծմինդայի մեծածախ շուկաներում առաջին կարգի ալյուրն արժե 90 լարի, պրեմիումը՝ 120 լարի, ինչը 10 լարիով ավելի թանկ է, քան մայիսին էր։
«Տեսնենք, թե ինչ կլինի, եթե ալյուրի գինը չնվազի, հացի գինը ստիպված պետք է թանկացնենք»,- ասում է հացաբուլկեղենի սեփականատերերից մեկը։
Թանկացումների հիմնական պատճառներից մեկը ուկրաինական պատերազմն է, որը շարունակվում է արդեն մի քանի ամիս։ Նաև ալյուրի գներն աճել են հիմնականում դոլարի ամրապնդման հետ, սակայն այժմ 1 դոլարի փոխարժեքը 2,8588 լարի է, բայց ալյուրի գինը մնում է բարձր։
Opinion, pooling and voting
