Փաշինյանը նամակ է գրել Ղարիբաշվիլիին Հայաստանի և Վրաստանի միջև համագործակցության կարևորության մասին
Հայաստանի վարչապետ Նիկոլ Փաշինյանը նամակ է հղել Վրաստանի կառավարության ղեկավար Իրակլի Ղարիբաշվիլիին՝ երկու երկրների միջև դիվանագիտական հարաբերությունների հաստատման 30-ամյակի կապակցությամբ։
Հայաստանը միշտ մեծ նշանակություն է տվել Վրաստանի հետ հարաբերությունների զարգացմանը, գրում է Փաշինյանը։ Նա նշում է, որ դարավոր պատմության համար 30 տարին ակնթարթ է, սակայն այս տարիները դարձել են ամենակարևորը բարիդրացիական միջպետական հարաբերությունների հաստատման և կարգավորման համար։
«Երկու երկրների միջև բարձր մակարդակի հանդիպումների ինտենսիվությունը հաստատում է բոլոր ոլորտներում առկա փոխշահավետ համագործակցության հետագա ընդլայնման մեր ամուր հանձնառությունը»,- ասվում է ուղերձում։
Երկու երկրների միջև երկկողմ դիվանագիտական հարաբերությունները հաստատվել են 1992 թվականի հուլիսի 17-ին, իսկ 2001 թվականի հոկտեմբերին Հայաստանի և Վրաստանի միջև ստորագրվել է բարեկամության, համագործակցության և փոխադարձ անվտանգության պայմանագիր։