Եվրոպացիներն իրենց մաշկի վրա են զգում պատժամիջոցների հետեւանքները

Եվրոպացիներն իրենց մաշկի վրա զգում են պատժամիջոցների հետեւանքները՝ ավելի ու ավելի վախենալով ձմռան մոտենալուց։

Գերմանացի պաշտոնյաներն աստիճանաբար հանում են օդորակիչները, քանի որ նրանք պլաններ են նախապատրաստում բնական գազի ռացիոնալացման եւ ածուխով աշխատող էլեկտրակայանների վերագործարկման համար: Հսկայական կոմունալ ընկերություններն օգնություն են խնդրում հարկատուներից։ Եվրոն դոլարի նկատմամբ նվազել է ՝ հասնելով մինչեւ 20 տարվա նվազագույնի, իսկ ռեցեսիայի կանխատեսումները աճում են, գրում է AP-ը։

Եվրոպայի ամենահրատապ մարտահրավերն ավելի կարճաժամկետ է՝ հաղթահարել 8,6 տոկոս ռեկորդային ինֆլյացիան  եւ հաղթահարել ձմեռը: Մայրցամաքը կախված է ռուսական բնական գազից, եւ էներգակիրների բարձր գները վնաս են հասցնում գործարաններին, պարենային ծախսերին։ 

Մյունխենի Պիեդինգ քաղաքում գտնվող խոշոր կաթնամթերք արտադրող Molkerei Berchtesgadener Land կոոպերատիվը կուտակել է 200 000 լիտր մազութ՝ կաթի պաստերիզացման եւ սառեցման համար: Սա կարեւոր երաշխիք է 1800 անդամ ֆերմերների համար, որոնց 50000 կովն օրական մեկ միլիոն լիտր կաթ է արտադրում։ Կաթնատու կովերին ամեն օր պետք է կթել, եւ եթե արտադրությունը դադարեցվի, այս կաթնային օվկիանոսը գնալու տեղ չի ունենա: Ճաշի սեղանին ի հայտ են գալիս նաեւ տնտեսական խնդիրներ։ Սպառողների խմբերը գնահատում են, որ տիպիկ իտալական ընտանիքն այս տարի 681 եվրո ավելի է ծախսում իրենց կերակրելու համար:

Իրավիճակը կվատթարանա, նշում են փորձագետները։ Սննդի ամսական 150-ից 200 եվրո բյուջեն հունիսին կրճատվել է մինչեւ 100 եվրո։ 

Ֆրանսիայի նախագահ Էմանուել Մակրոնն ասում է, որ կառավարությունը փորձում է խնայել էներգիան՝ գիշերը անջատելով փողոցների լույսերը եւ այլ քայլեր ձեռնարկելով։ Գերմանացի պաշտոնյաները  խնդրում են մարդկանց եւ բիզնեսին խնայել էներգիան:  

---

---