«Վրացական երազանքում» քննադատում են ԵՄ դեսպանին. «Կարլ Հարցելը միայն բացասական դեր է խաղացել».Կոբախիձե
Իշխող «Վրացական երազանք» կուսակցության նախագահ Իրակլի Կոբախիձեն բացահայտ քննադատել է Թբիլիսիում ԵՄ դեսպան Կարլ Հարցելին։ Շվեդ դիվանագետն ավարտում է Վրաստանում ԵՄ պատվիրակության ղեկավարի իր քառամյա առաքելությունը։ Իսկ Կոբախիձեի խոսքով, այս տարիների ընթացքում նա միայն բացասական դեր է խաղացել.
«Այս ամբողջ ընթացքում տարբեր պատճառներով, այդ թվում այն, որ մենք դիմել ենք ԵՄ-ին և այլն, մենք խուսափել ենք մեկնաբանություններից, քանի դեռ նա [Կարլ Հարցելը] ԵՄ դեսպանն էր։ Բայց այսօր, երբ նա ավարտեց իր առաքելությունը, հանգիստ կարող ենք ասել, որ, ցավոք, Կարլ Հարցելը միայն բացասական դեր է խաղացել Եվրամիության և Վրաստանի հարաբերություններում։ Սա շատ տխուր երևույթ է։ Մենք մեծ հույսեր ունենք, որ ապագա դեսպանն այլ կերպ կվարվի»,- ասել է Կոբախիձեն։
Նշենք, որ Թբիլիսիում ԵՄ պատվիրակության ղեկավարի պաշտոնում շվեդ դիվանագետ Կարլ Հարցելի տեղը կզբաղեցնի լեհ Պավել Հերչինսկին։ Հարցելը Վրաստանում աշխատում էր 2018 թվականի սեպտեմբերից։
Opinion, pooling and voting
