Թբիլիսիից Բաթումի գնացքով մեկնելը թանկացել է
Հուլիսի 25-ից Թբիլիսի-Բաթումի-Թբիլիսի երթեւեկող գնացքի տոմսերի գները բարձրացել են։
Ըստ նոր սակագների՝ ամառային սեզոնում ամենահայտնի գնացքի գները հետևյալն են.
- Երկրորդ դասի տոմս՝ 34 լարի
- Առաջին դասի տոմս՝ 74 լարի
- Բիզնես դասի տոմս՝ 124 լարի։
Տոմսերի թանկացման պատճառը «Վրացական երկաթուղին» անվանում է օբյեկտիվ պատճառներ, այդ թվում՝ էլեկտրաէներգիայի սակագնի բարձրացումը, գնացքների սպասարկման ու վերանորոգման, նյութերի և այլ ծախսերի բարձրացումը։
«Ընկերությունը տարիներ շարունակ սեփական միջոցներից սուբսիդավորում է ուղևորափոխադրումների ծախսերը, մինչդեռ այլընտրանքային տրանսպորտի գները սիստեմատիկորեն աճում են: Չնայած ուղեվարձի բարձրացմանը, ընկերության ծախսերը մասամբ փոխհատուցելու համար երկաթուղային տրանսպորտը մնում է ավելի էժան, քան այլընտրանքային տրանսպորտը»,- ասված է ընկերության հաղորդագրության մեջ։
Միաժամանակ մնացած գնացքների տոմսերի գները մնացել են անփոփոխ, ինչպես նաև ուղեվարձի արտոնությունները ուսանողների, վետերանների և մինչև 10 տարեկան երեխաների համար։
Երեք երկհարկանի Stadler գնացքներ ամեն օր երթևեկում են Թբիլիսիից Բաթումի` երկուսը առավոտյան և մեկը երեկոյան: