Վրաստանում բռնաբարել են Ուկրաինայից փախստականին
Վրաստանում բռնաբարել են Ուկրաինայից փախստականին, հայտնում են վրացական լրատվամիջոցները։
Ռուսթավի 2 հեռուստաընկերության փոխանցմամբ՝ անգիտակից կնոջը նախ տեղափոխել են արեւմտյան Վրաստանի Լանչխութի փոքրիկ քաղաքի կլինիկա, սակայն ծանր վիճակի պատճառով նրան տեղափոխել են Բաթումի ուղեգրային կլինիկա։
«Պիրվելի» հեռուստաընկերության փոխանցմամբ՝ նախորդ օրը Լանչխութիի կլինիկա է տեղափոխվել 44-ամյա մի կին։ Կինը ապրել է Խերսոն քաղաքում, Վրաստան է ժամանել հինգ օր առաջ։
«Պիրվելի»-ի թղթակցի հետ զրույցում Լանչխութիի բնակիչներն ասում են, որ բռնաբարության ենթարկվածը ստամոքսի վրա ծխախոտի այրվածքի հետքեր ունի:
Մինչդեռ պաշտոնական տեղեկություն չկա, որ Ուկրաինայի քաղաքացուն բռնաբարել են՝ ՆԳՆ-ն չի մեկնաբանել տեղի ունեցածը։
Իրավիճակը մեկնաբանել է միայն Լանչխութի բժշկական կենտրոնի մենեջեր Ռևազ Չխիկվաձեն։ «Պիրվելի» հեռուստաընկերությանը տված հեռախոսազրույցում նա ասել է, որ քննիչները խոսել են կնոջ հետ, սակայն «հիվանդը վատ է եղել»։
Բացի այդ, ըստ նրա, պետք է փորձաքննություն անցկացվի՝ պարզելու կնոջ ստացած վնասվածքների բնույթը։
«Հիվանդը անգիտակից վիճակում էր. Նա վերակենդանացման բաժանմունքում էր, հետո հաստատվեց երիկամային անբավարարություն, սուր երկկողմանի թոքաբորբ, և նրան տեղափոխեցին այլ կլինիկա՝ հեմոդիալիզի։ Մարմնի վրա կան վնասվածքներ, քերծվածքներ, կապտուկներ»,- ասաց Լանչխութի կլինիկայի մենեջերը։
Opinion, pooling and voting
