«Վրացական երազանքի» պայմաններում Վրաստանը չի կարողանա թեկնածուի կարգավիճակ ստանալ. Խազարաձե
«Լելո հանուն Վրաստանի» կուսակցության առաջնորդ Մամուկա Խազարաձեի կարծիքով՝ «Վրացական երազանքի» պայմաններում Վրաստանը չի կարող ԵՄ թեկնածուի կարգավիճակ ստանալ։
Նա բարձր է գնահատել Եվրահանձնաժողովի զեկույցը և նշել, որ կառավարությունը երկիրը մղում է դեպի ռուսական ուղեծիր։
«Եվս մեկ անգամ կրկնում եմ՝ «Վրացական երազանքի» պայմաններում Վրաստանը չի կարող թեկնածուի կարգավիճակ ստանալ։ Շատ տխուր է, բայց ավելի լավ է առերեսվել ճշմարտության հետ։ Ոչ ոք այս պատրանքները չունի։ Հասկանալի է, թե ինչպես է «Վրացական երազանքը» ղեկավարում այս երկիրը՝ ուղղված դեպի այն ուղեծիր, որը կոչվում է Ռուսաստանի ուղեծիր։ Վրաստանում մարդիկ հասկացան, որ «Վրացական երազանքը» ոչ թե արևմտյան ուժ է, այլ ռուսական ուժ Վրաստանում՝ Բիձինա Իվանիշվիլիի գլխավորությամբ»,- ասել է Խազարաձեն։
Նշենք՝ 2022 թվականի սեպտեմբերի 6-ին կայանալիք ԵՄ-Վրաստան Ասոցացման խորհրդի նիստից առաջ ԵՄ-ն հրապարակել է իր տարեկան զեկույցը ԵՄ-Վրաստան Ասոցացման համաձայնագրի կատարման վերաբերյալ։ Զեկույցում խոսվում է անցյալ տարի Վրաստանի կողմից ասոցացման համաձայնագրի շրջանակներում իրականացված բարեփոխումների մասին։
Ըստ զեկույցի՝ վերջին մեկ տարվա ընթացքում դատական համակարգը կանգ է առել և նույնիսկ հետընթաց է ապրել առանցքային ոլորտներում։ Բացի այդ, ըստ փաստաթղթի, Վրաստանի հանրային պաշտպանի գրասենյակը ճնշումների է ենթարկվել քաղաքական որոշ զգայուն հարցերի շուրջ բարձրաձայնելու համար։ Եվրահանձնաժողովը ներառել է նաև Նիկա Մելիայի, Մամուկա Խազարաձեի, Բադրի Ջափարիձեի, Նիկա Գվարամիայի և Միխեիլ Սաակաշվիլիի գործերը։
Opinion, pooling and voting
