Վրաստանի ԱԳՆ-ն ցավակցություն է հայտնել Երևանում տեղի ունեցած պայթյունի հետևանքով զոհվածների ընտանիքներին
Վրաստանի արտաքին գործերի նախարարությունը ցավակցություն է հայտնել Երևանի Սուրմալուի շուկայում տեղի ունեցած պայթյունի հետևանքով զոհվածների ընտանիքներին և մտերիմներին։
Հայաստանի արտակարգ իրավիճակների նախարարության տվյալներով՝ միջադեպի հետևանքով զոհվել է առնվազն 7 մարդ, ավելի քան 60-ը՝ վիրավորվել։
«Երևանում հզոր պայթյունի մասին տեղեկությունները ցնցող են: Ցավակցում ենք ողբերգության զոհերի ընտանիքներին և մտերիմներին։ Բոլոր վիրավորներին մաղթում ենք շուտափույթ ապաքինում։ Մենք համերաշխ ենք մեր հայ ընկերների հետ այս դժվարին պահին»,- գրել է Վրաստանի ԱԳՆ-ն Twitter-ում։
Կիրակի կեսօրին պայթյուն էր որոտացել Հայաստանի մայրաքաղաքի կենտրոնի մոտ գտնվող մեծածախ շուկայում։
Հրդեհը մեկուսացվել է միայն այսօր առավոտյան։
16 մարդ այս պահին համարվում է անհետ կորած։
Opinion, pooling and voting
