Պատշգամբի փլուզման պատճառով Թբիլիսիիում կին է մահացել
Թբիլիսիի Չիքոբավա փողոցում, իտալական բակում բնակելի տան երկրորդ հարկի պատշգամբը փլուզվել է, որի հետևանքով զոհվել է 74-ամյա կին։
Չիքոբավայի թիվ 5 շենքի բնակիչներն ասում են, որ չնայած շտապօգնություն կանչելուն ու կնոջը կլինիկա տեղափոխելուն, նրա վնասվածքները կյանքի հետ անհամատեղելի էին։
Դժբախտ դեպքը տեղի է ունեցել երեկ։ Ըստ հարևանների՝ շենքը կիսաքանդ է և վերականգնման կարիք ունի։ Նրանց խոսքով, Թբիլիսիի քաղաքապետարանը գումար էր հատկացրել վերականգնման համար, սակայն սեփականատերը չի համաձայնել դրան, և շենքի վերականգնումը դեռ չի իրականացվել։ Մահացածը բնակարանում մնում էր վարձով։
Ներքին գործերի նախարարությունն արդեն սկսել է դեպքի հետաքննությունը։
Opinion, pooling and voting
