Քանի՞ առաջին դասարանցի է գրանցված Նինոծմինդայում

Լուսանկարը՝ արխիվից։

Սեպտեմբերի 15-ին Վրաստանի հանրակրթական դպրոցներում և մանկապարտեզներում կսկսվի նոր ուսումնական տարին։

Վրաստանի կրթության և գիտության նախարարությունը սկսել է դպրոցներում համակարգիչներ բաժանել առաջին դասարանցիների համար։

Նինոծմինդայի մունիցիպալիտետում 2022-2023 ուսումնական տարում 330 առաջին դասարանցիներ կստանան նոր դյուրակիր համակարգիչներ։ Հենց այդքան երեխա է գրանցվել Վրաստանի կրթության և գիտության նախարարության տվյալների բազայում Նինոծմինդայից։ Դասղեկների համար ևս տրամադրվում են նեթբուկեր։ Դպրոցները գրքեր կստանան։

Նինոծմինդայի թիվ 1 դպրոցում հաշվառված է 43 աշակերտ, թիվ 2-ում՝ 25, թիվ 3-ում՝ 10, թիվ 4-ում՝ 1 աշակերտ։ «Իմ առաջին համակարգիչը» ծրագիրը, ըստ որի համակարգիչներ են բաժանվում բոլոր առաջին դասարանցիներին, մեկնարկել է 2011թ.:

Դպրոցներին նոութբուքերի բաշխումը կիրականացվի մինչև ուսումնական տարվա մեկնարկը. Ներկայումս տեղեկատվական տեխնոլոգիաների մասնագետները տեղադրում են Windows 10 օպերացիոն համակարգը։

Վրաստանի հանրակրթական դպրոցներում 2022-2023 ուսումնական տարվա օրացույցն արդեն մշակվել է կրթության նախարարության կողմից։

Ուսումնական տարվա առաջին կիսամյակը կմեկնարկի սեպտեմբերի 15-ին և կտևի 74 օր մինչև դեկտեմբերի 29-ը։ Հոկտեմբերի 14-ը և նոյեմբերի 23-ը կլինեն ոչ աշխատանքային:

Ձմեռային արձակուրդները կսկսվեն դեկտեմբերի 30-ից և կտևեն մինչև հունվարի 15-ը։

Երկրորդ կիսամյակը կսկսվի հունվարի 16-ին և կտևի մինչև հունիսի 15-ը, բացառությամբ 1-ին և 12-րդ դասարանների:

Առաջին դասարանի 2-րդ կիսամյակը կտևի 74 օր և կավարտվի մայիսի 25-ին, իսկ ավարտական ​​դասարանի համար՝ 79 օր մինչև մայիսի 19-ը։

Երկրորդ կիսամյակում արձակուրդներ կլինեն մինչև հունվարի 19-ը, մարտի 3-ին և 8-ին, ապրիլի 9-ին, մայիսի 9-ին, 12-ին և 26-ին:

Գարնանային արձակուրդը կտևի 1 շաբաթ՝ մարտի 9-ից 14-ը, երեխաները Զատկի տոներին նույնպես 4 օր ազատ կլինեն՝ ապրիլի 14-ից 17-ը։

Դեռ հայտնի չէ՝ 2022-2023 ուսումնական տարին կլինի առցանց, թե ոչ, սակայն օրացույցի համաձայն՝ այն կտևի 171 օր։

---

---