Այսօր Բրյուսելում կկայանա ԵՄ-Վրաստան Ասոցացման խորհրդի նիստը
Այսօր Բրյուսելում տեղի կունենա Վրաստան-ԵՄ ասոցացման խորհրդի յոթերորդ նիստը։ Եվրոպական միության խորհրդի տարածած տեղեկատվության համաձայն՝ նիստը վարելու է Վրաստանի վարչապետ Իրակլի Ղարիբաշվիլին։
ԵՄ պատվիրակությունը կգլխավորի արտաքին գործերի և անվտանգության քաղաքականության բարձր ներկայացուցիչ Ժոզեպ Բորելը։
«Ասոցացման խորհուրդը կվերանայի Վրաստան-ԵՄ հարաբերությունները ԵՄ-ին անդամակցելու դիմումի ֆոնին, կկենտրոնանա քաղաքական երկխոսության և բարեփոխումների, տնտեսական և ոլորտային համագործակցության, առևտրի և հարակից հարցերի, ինչպես նաև հակամարտությունների խաղաղ կարգավորման վրա:
Եվրամիության և Վրաստանի ներկայացուցիչները կարծիքներ կփոխանակեն արտաքին և անվտանգության քաղաքականության, հատկապես տարածաշրջանային հարցերի շուրջ»,- ասվում է տեղեկատվության մեջ։
Opinion, pooling and voting
