«Ադրբեջանն ավարտել է «ռազմական գործողությունը» Հայաստանի հետ սահմանին». Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Ադրբեջանի նախագահից տեղեկություն է ստացել Հայաստանի հետ սահմանին «ռազմական գործողության» ավարտի մասին։

«Մեր ցանկությունն է հաջողությամբ ավարտին հասցնել կարգավորման գործընթացները, ընդմիշտ ապահովել տարածաշրջանային խաղաղություն ու կայունություն»,- ընդգծել է նա։

Էրդողանը հավելել է, որ Հայաստանը «պետք է գործի իր պարտավորություններին համապատասխան»։

«Զանգեզուրի միջանցքը» պետք է գործի, և Երևանը պետք է ձգտի տարածաշրջանում խաղաղության և համագործակցության»,- ասել է Թուրքիայի նախագահը։

Նա Պուտինի հետ Սամարղանդում կայացած հանդիպումն անվանել է արդյունավետ և ասել, որ հույս ունի «լավ արդյունքների»։