Մեծ թվով ՌԴ քաղաքացիներ մուտք են գործում Վրաստան (վիդեո)

Օկուպացված երկրի՝ Ռուսաստանի նախագահ Վլադիմիր Պուտինը հրամանագիր է ստորագրել երկրում մասնակի մոբիլիզացիայի մասին։ Որոշման համաձայն՝ հարյուր հազարավոր ՌԴ քաղաքացիներ պետք է պայքարեն Ուկրաինայի դեմ։ Սրա պատճառով մեծ թվով քաղաքացիներ որոշել են անժամկետ հեռանալ երկրից։

Սեպտեմբերի 21-ից հետո Մոսկվայից Թբիլիսի ավիատոմսերի գները բարձրացել են ռեկորդային բարձրության՝ հասնելով մի քանի հազար լարիի։ Հերթեր են նաեւ Կազբեգի-Լարս սահմանային անցակետում, որտեղ հարյուրավոր մեքենաներ խցանման մեջ են կանգնած՝ Վրաստանի սահմանը հատելու եւ այստեղ անժամկետ մնալու համար։

Պուտինի հրամանագրով զինծառայության կենթարկվեն միայն այն քաղաքացիները, ովքեր գտնվում են պահեստազորում և հիմնականում ծառայում են զինված ուժերում, ունեն որոշակի զինվորական մասնագիտություն և համապատասխան փորձ։

Նրա խոսքով, մասնակի մոբիլիզացիայի մասին որոշումը կայացվել է Ռուսաստանի, նրա ինքնիշխանության, տարածքային ամբողջականության պաշտպանության և ռուս ժողովրդի անվտանգությունն ապահովելու համար։

Ռուսաստանի պաշտպանության նախարար Սերգեյ Շոյգուն հայտարարել է, որ մասնակի զորահավաքի շրջանակներում ընդհանուր առմամբ զորակոչվելու է 300 հազար պահեստազոր։

Մասնակի մոբիլիզացիայի հայտարարությունից հետո Ռուսաստանի խոշոր քաղաքներում սկսվեցին փոքրամասշտաբ ցույցեր։ Քաղաքացիները բողոքում են որոշման դեմ և վանկարկում, որ պատերազմ չեն ուզում։ Բողոքի ակցիաների ընթացքում ոստիկանությունը ձերբակալել է ավելի քան 1000 քաղաքացու։

Ուկրաինայում պատերազմի սկսվելուց ի վեր Ռուսաստանում նման մասշտաբի բողոքի ալիք երբեք չի նկատվել։ sknews.ge