Որքա՞ն արժեն թռիչքները Ռուսաստանից Վրաստան և Հայաստան

Ռուսաստանում մոբիլիզացիայի հայտարարությունից հետո Ռուսաստանի քաղաքացիները սկսել են մեկնել այլ երկրներ։ Առաջին երկու օրերին սպառվել են դեպի Երևան, Ստամբուլ և Թբիլիսի բոլոր ավիատոմսերը։ Այս ուղղություններով այս պահին կան ավիատոմսեր, սակայն դրանց գները համեմատաբար բարձր են։

Նինոծմինդայում շատերին հետաքրքրում են տոմսերի գները, քանի որ Նինոծմինդայի մունիցիպալիտետի մեծ մասն այժմ Ռուսաստանում է (նրանք, ովքեր գնացել են աշխատանքի):

Մոսկվայից Թբիլիսի ուղիղ չվերթներ չկան։ Ռուսաստանից Վրաստան կարող եք հասնել միայն տրանսֆերտներով կամ ուղիղ ճանապարհով Լարսով։ Մոսկվա-Ստամբուլ-Թբիլիսի ուղղությամբ առաջիկա մի քանի օրերի տոմսերն արժեն 1300-5100 դոլար։

Երկու օր առաջ Մոսկվա-Երևան ուղիղ չվերթերն առաջիկա օրերին համար արժեր 4500-ից 5000 ԱՄՆ դոլար (290000 – 310000 ռուբլի), իսկ այժմ դրանց արժեքը նվազել է մինչև 1000-3500 դոլար (58000 – 210.000 ռուբլի): Ինչ վերաբերում է Մոսկվա-Ստամբուլ ավիատոմսերին, ապա ուղիղ չվերթների համար դրանք ներկայումս արժեն 1200-4000 ԱՄՆ դոլար։

Չնայած ավիատոմսերի նման բարձր գներին, Ռուսաստանի քաղաքացիները դեռ լքում են երկիրը։ Վրաստան են գնում հիմնականում Լարսի անցակետով։ Այս մաքսակետում վերջին օրերին շատ մարդիկ են կուտակվել։ 10 օրվա ընթացքում բոլոր ԱԱՊ-ներից Վրաստան է մուտք գործել մոտավորապես 150 հազար ռուսաստանի քաղաքացի։ Նրանց թիվը կտրուկ աճել է 2022 թվականի սեպտեմբերի 22-ից հետո, երբ ՌԴ նախագահը հայտարարեց մասնակի մոբիլիզացիայի մասին։ Այնտեղ ոստիկանական խմբեր են տեղակայված՝ մարդկանց հոսքը վերահսկելու համար։

Շատերն ասում են, որ ՌԴ քաղաքացիներին թույլ են տալիս Վրաստան մուտք գործել փողի դիմաց, կամ նրանց թույլ չեն տալիս մուտք գործել որոշակի պատճառներով, սակայն կառավարությունը հերքում է այդ լուրերը։

Նշենք, որ երեկ՝ սեպտեմբերի 28-ին, Վերին Լարսում ընդդիմադիր «Դրոա» կուսակցության անդամներն ու քաղաքացիական ակտիվիստները պատրաստվում էին բողոքի ակցիա կազմակերպել, սակայն ոստիկանները կանխեցին և նրանց թույլ չտվեցին ։ Ցուցարարներին կանգնեցրել են Գվելեթի գյուղի մոտ։

---

---