Իրակլի Ղարիբաշվիլի. 2012 թվականի հոկտեմբերի 1-ը ժամանակակից Վրաստանի պատմության մեջ ամենակարեւոր օրն է:
2012 թվականի հոկտեմբերի 1-ը ժամանակակից Վրաստանի պատմության մեջ ամենակարեւոր օրն է. «Վրացական երազանքը» Վրաստանի քաղաքացիների հետ միասին առաջին անգամ խաղաղ ճանապարհով փոխեց իշխանությունը ժողովրդավարական ընտրությունների արդյունքում,- այս մասին «Facebook»-ում հայտնել է Վրաստանի Իրակլի Ղարիբաշվիլին։
«Այս գործընթացում որոշիչ է եղել պարոն Բիձինա Իվանիշվիլիի անձնական դերը։ Լիակատար հուսահատության, քաղաքական, տնտեսական և սոցիալական խոր ճգնաժամերի պայմաններում նա կարողացավ մոբիլիզացնել մարդկանց էներգիան և ճիշտ ուղղություն տալ։ Արդյունքում մենք արեցինք այն, ինչ նախկինում անհնար էր թվում՝ խաղաղ ճանապարհով փոխեցինք հակապետական ռեժիմը և հիմք դրեցինք Վրաստանի հաջող զարգացմանը։
Դրանից հետո մենք ոչ միայն պահպանեցինք և ամրապնդեցինք երկրում քաղաքական կայունությունը, այլև իրականացրեցինք լայնածավալ տնտեսական և սոցիալական բարեփոխումներ, խորացրեցինք ժողովրդավարական գործընթացները, ամրապնդեցինք անվտանգությունն ու պաշտպանական կարողությունները, կարևոր քայլեր կատարեցինք մեր ժողովրդի պատմական ընտրության՝ Եվրամիությանը միանալու համար։
Այս ամենը, իհարկե, հնարավոր չէր լինի առանց հասարակության մեծ աջակցության ու մասնակցության։ Այսօր ևս մեկ անգամ շնորհակալություն եմ հայտնում «Վրացական երազանքի» հիմնադիր պարոն Բիձինա Իվանիշվիլիին, մեր կուսակցության անդամներին, համակիրներին, ողջ հասարակությանը։ Կարծում եմ, որ Վրաստանի հետագա առաջընթացը պետք է շարունակի հիմնված լինել իշխանության և ժողովրդի միասնության վրա, որի հիմքը մենք դրել ենք ուղիղ տասը տարի առաջ»,- գրում է Իրակլի Ղարիբաշվիլին։
Opinion, pooling and voting
