Թբիլիսիի պատվավոր քաղաքացու կոչում է շնորհվել 20 հոգու, այդ թվում մեր հայրենակից լրագրող Վան Բայբուրթին
Պետական պալատում պարգևատրվել են 2022 թվականի պատվավոր թբիլիսցիները։
Մայրաքաղաքի քաղաքապետ Կախա Կալաձեն նրանցից յուրաքանչյուրին նվիրել է Թբիլիսիի խորհրդանշական բանալին, վկայական և բրոշ։
Թբիլիսիի քաղաքապետը դիմել է մրցանակաբաշխության ժամանակ հավաքված համայնքին և շնորհավորել Թբիլիսիի 20 պատվավոր քաղաքացիներին նոր կարգավիճակի կապակցությամբ։
«Թբիլիսին ու նրա դարավոր պատմությունը կանգնած են պատասխանատվություն գիտակցող, պրոֆեսիոնալիզմով, աշխատանքով ու երկրի հանդեպ սիրով լի մարդկանց վրա։ Ես ուրախ եմ, որ մեր կողքին կան շատ նման մարդիկ, և այսօր պատիվ ունեմ ևս մեկ անգամ շնորհակալություն հայտնելու նրանց այն ամենի համար, ինչ անում են և կանեն ապագայում մեր քաղաքի համար»,- ասել է Կախա Կալաձեն։
Այս տարի Շալվա Ամոնաշվիլին (գիտնական, ուսուցիչ, հոգեբան) դարձավ Թբիլիսիի պատվավոր քաղաքացի, Թենգիզ Արչվաձե (դերասան), Տարիել Ճանտուրիա (թարգմանիչ, բանաստեղծ), Ջեմալ Ղաղանիձե (դերասան), Մերաբ Կոկոչաշվիլի (կինոռեժիսոր, ուսուցիչ), Մինդիա Ուգրեխելիձե (փաստաբան), Վախթանգ Ջավախաձե (բանաստեղծ, գրող, թարգմանիչ), Ջեմալ Սեփիաշվիլի (կոմպոզիտոր), Բադրի Վադաճկորիա (լրագրող, լուսանկարիչ), Գուրամ Բեքայա (ֆիզիոլոգ, գիտնական), Իլիա Խերոդինաշվիլի (ինժեներ, գիտնական), Լաուրա Իաշվիլի (երաժիշտ, դաշնակահար), Ռևազ Ասաթիանի (ինժեներ-շինարար), Վախթանգ Դավիթայա (ճարտարապետ, ուսուցիչ), Մայա Գոթուա (ալերգոլոգ, իմունոլոգ), Վան Բայբուրթ (քաղաքական գործիչ, լրագրող), Հասան Հասանով (ադրբեջանցի դիվանագետ), Էլիզաբեթ Սոմբարտ (ֆրանսիացի դաշնակահարուհի), Էլդար Շենգելայա (ռեժիսոր) և դիզայներ Դեմնա Գվասալիան։
Պետական հանդիսությունների պալատում տեղի ունեցած միջոցառմանը երաժշտական նվագակցությամբ է հանդես եկել Թբիլիսիի քաղաքապետարանի «Big Band»-ը։
Opinion, pooling and voting
