Շրջանի 10 մանկապարտեզներ սնունդ են ստանում

Սեպտեմբերի 25-ից երեխաները սկսեցին սնունդ ստանալ Նինոծմինդայի մունիցիպալիտետի գյուղերի մանկապարտեզներում։

Ներկայումս Նինոծմինդայի մունիցիպալիտետում գործում է 12 մանկապարտեզ, որոնցից երկուսը գտնվում են Նինոծմինդա քաղաքում։

Գյուղի մանկապարտեզները աշխատում են ժամը 10:00-15:00, իսկ քաղաքի մանկապարտեզները՝ 09:30-17:00: Առկա մանկապարտեզներից միայն Նինոծմինդա քաղաքի մանկապարտեզներն ունեն երեքանգամյա սնունդ։ Այժմ գյուղի մանկապարտեզ հաճախող երեխաներին օրը մեկ անգամ չոր սնունդ են տալիս՝ յոգուրտ, թխվածքաբլիթներ, մրգեր։ Մանկապարտեզների համար ապրանքները գնվում են մրցույթով. Այն գյուղերում, որտեղ գործում են մանկապարտեզներ, սնունդ է տրամադրվում 10 մանկապարտեզների։Այդ գյուղերն են՝ Օրոջալար, Մ.Արագյալ, Գորելովկա, Մ.Գոնդուրա, Դիլիֆ, Սաթխա, Հեշտիա, Փոկա, Գանձա, Մ.Խանչալի։

2022 թվականի բյուջեով Նինոծմինդայի քաղաքապետարանը նախատեսում է երեք գյուղերում մանկապարտեզների կառուցում։ Շինարարության համար հատկացված ընդհանուր գումարը կազմում է 475 000 լարի։ Փ.Խանչալի, Ժդանովական և Ջիգրաշեն գյուղերում շինարարությունն արդեն ավարտվել է, Տամբովկա և Ղուլալիս գյուղերում շինարարությունը շարունակվում է։

Այն մասին, թե քանի մանկապարտեզ և երբ կբացվեն, կհաղորդենք հետագա նյութերում։

---

---