Ռուսաստանի հետ դիվանագիտական հարաբերությունների վերականգնումը հնարավոր չէ. Զուրաբ Աբաշիձե
Ռուսաստանի հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել է, որ Վրաստանի ու Ռուսաստանի միջև դիվանագիտական հարաբերությունների վերականգնումը ներկայումս հնարավոր չէ։
Աբաշիձեն դա պատճառաբանել է Վրաստանի տարածքային ամբողջականության խնդիրներով՝ Աբխազիայի ու Ցխինվալի շրջանի խնդիրներով։ Աբաշիձեն դրա հետ մեկտեղ հայտարարել է, որ Վրաստանում ներկայումս գործում է ավելի քան 1000 ընկերություն, որոնք ունեն ռուսական կամ համատեղ կապիտալ։
Աբաշիձեն ընդգծել է, որ ռուսական ընկերությունները Վրաստանում իրենց հարմարավետ են զգացել պատերազմից առաջ, պատերազմի ժամանակ ու պատերազմից հետո։