Որոշ ցեղատեսակի շների ներմուծումն ու բուծումը Վրաստանում հավանաբար կարգելվի
Վրաստանի բնապահպանության և գյուղատնտեսության նախարարությունը Թբիլիսիի քաղաքապետարանի և այլ գերատեսչությունների ներգրավմամբ շարունակում է աշխատել ընտանի կենդանիների վերաբերյալ կանոնակարգերի ստեղծման ուղղությամբ։ Կենդանիների մոնիտորինգի գործակալության գլխավոր իրավաբան Կախաբեր Իոսելիանիի խոսքով՝ երկրում, հավանաբար, կարգելվեն շների որոշ ցեղատեսակների ներմուծումն ու բուծումը։
Նախատեսված է նաև քրեական և վարչական պատասխանատվություն այն անձանց նկատմամբ, ում շունը վնասում է քաղաքացուն։
«Կքննարկվի, թե որոշակի ցեղատեսակի շների բուծումը պե՞տք է արգելվի, թե` ոչ. օրինակ՝ «պիդբուլ» ցեղատեսակի շան ներմուծումը երկիր։ Եթե արգելվի նշված կամ այլ ցեղատեսակի «ագրեսիվ շան» բուծումը, ապա նման ցեղատեսակի շան ներկրումը կարգելվի», — ասել է նա։
Կենդանիների մոնիտորինգի գործակալության տվյալներով՝ օրենսդրական վերանայումը կսկսվի առաջիկայում։aliq.ge
Opinion, pooling and voting
