Սկեսրայրը դանակահարել է հարսին որդու գերեզմանի մոտ
Արևմտյան Վրաստանում, Ծղալտուբոյի մունիցիպալիտետի Սակուլիա գյուղում ոստիկանությունը ձերբակալել է մի տղամարդու, ով վիրավորել է իր իսկ հարսին, հայտնում է Ռուսթավի 2 հեռուստաալիքը։
Դեպքը տեղի է ունեցել գյուղական գերեզմանատանը։ Լրատվամիջոցները հայտնում են, որ երեք անչափահաս երեխաների հետ միասին մի կին եկել է ամուսնու գերեզմանին։ Սկեսրայրը դանակի մի քանի հարված է հասցրել նրան։
Կնոջը հոսպիտալացրել և վիրահատել են։ Բժիշկներն ասում են, որ նրա կյանքին վտանգ չի սպառնում։
Հետաքննությունը սկսվել է Վրաստանի քրեական օրենսգրքի 11-117-րդ հոդվածով, որը ենթադրում է ընտանիքի անդամին դիտավորությամբ առողջությանը ծանր վնաս պատճառելը։
Opinion, pooling and voting
