Վրաստանում բարձրագույն կրթության որակը ցածր է Եվրոպայի և Կենտրոնական Ասիայի միջինից
Համաշխարհային բանկը հրապարակել է Վրաստանում մարդկային կապիտալի ուղղությամբ տիրող իրավիճակը։ Փաստաթղթում խոսվում է երկրում առկա նախնական, հիմնական և բարձրագույն կրթության համակարգերի, ինչպես նաև առողջապահական և սոցիալական պաշտպանության համակարգերի մասին, որոնք ընդհանուր առմամբ ազդում են երկրում մարդկային կապիտալի վիճակի վրա։
Փաստաթղթի ամփոփ վերանայման մեջ նշվում է, որ Վրաստանում բարձրագույն կրթության որակը ցածր է Եվրոպայի և Կենտրոնական Ասիայի միջինից։
«Վերջին տասնամյակի ընթացքում կրթության համակարգի պետական ֆինանսավորումը զգալիորեն բարելավվել է, թեև միջազգային մակարդակում այն դեռ ցածր է։ Կրթության պետական ֆինանսավորումը 2006 թվականին ՀՆԱ-ի 2,8%-ից հասել է 3,6%-ի:
2019 թվականին Վրաստանի կառավարությունը առաջնահերթություն է հայտարարել մարդկային կապիտալի զարգացումը, սակայն Covid-19-ով պայմանավորված բյուջետային փոփոխությունների պատճառով մինչև 2022 թվականը պետական ծախսերի մեկ քառորդը կրթությանն ուղղելը անհասանելի նպատակ է թվում։ Թեև կրթության վրա Վրաստանի ծախսերն ավելի բարձր են, քան հարևան երկրներում, այն ընդհանուր առմամբ ցածր է աշխարհի և Եվրոպայի և Կենտրոնական Ասիայի երկրների միջինից: Եվրոպական որոշ երկրներում, օրինակ՝ Դանիայում, ծախսերը երկու անգամ գերազանցում են ՀՆԱ-ն։ «Թեև ծախսերի որակն առաջնային է, առանց կրթության ոլորտում ավելի շատ ներդրումներ կատարելու, դժվար կլինի բավարարել ժամանակակից աշխատաշուկայի պահանջները», – ասվում է Համաշխարհային բանկի հրապարակած ակնարկում։
Opinion, pooling and voting
