Ախալցիխեում անցկացվել է «Հացի փառատոն 2022»-ը
Հոկտեմբերի 22-ին, Ախալցիխեի ամրոցում անցկացվել է հացի չորրորդ փառատոնը։ Ամրոցի տարածք ժամանած հյուրերը կարող էին համտեսել ցորենի էնդեմիկ տեսակների տեղական սորտերի ալյուրով թխված տարբեր տեսակի հացեր, որոնցից էին Մեսխուր Քադան, Կակալա Պուրին, Սոմինին, Լուխումը։
Տեղում ներկայացվել են տեղական արտադրության ավանդական կաթնամթերք և մսամթերք, ինչպես նաև քաղցրավենիք, ոչ ալկոհոլային և ոգելից խմիչքներ, այդ թվում՝ Մգլած պանիր, գոմեշի թթվասեր, ապուխտի, թթի մթերք, Քվևարի գարեջուր և այլն։
Սամցխե-Ջավախեթիի ուղղությունների կառավարման կազմակերպության (DMO) ղեկավար Դավիթ Մումլաձեի խոսքով, «Հացի փառատոնն» անցկացվում է արդեն երկրորդ տարին իրենց ներգրավմամբ։ Նրա խոսքով, փառատոնի շրջանակներում նախատեսված բոլոր միջոցառումներն անցկացվել են հաջողությամբ, ինչի վկայությունն է հյուրերի մեծ թիվը։
«Շատ հետաքրքիր օր ստացվեց։ Այս օրվա համար մեծ աշխատանք է կատարվել, և մենք գոհ ենք արդյունքից։ Ուզում եմ մեծ շնորհակալություն հայտնել բոլոր կազմակերպիչներին այս օրվա կազմակերպման և աջակցության համար, այդ թվում՝ զբոսաշրջության ղեկավարությանը, «Էլկանա» ասոցիացիային և Ախալցիխեի քաղաքապետարանին։ Սա պետական տոն է, որը նշում է ողջ քաղաքը և շրջանը»,- ասում է Դավիթ Մումլաձեն։
Նրա տեղեկությունների համաձայն՝ DMO-ն մոտ ապագայում ծրագրում է ինֆլենսերների շրջագայություն՝ Սամցխե-Ջավախեթիի գովազդի համար։
«Նոյեմբերի 6-ին մենք ծրագրում ենք 30 ազդեցիկ մարդկանց մեկօրյա ճամփորդություն Ծոցի երկրներից դեպի Բորջոմի, Ախալցիխե և Ասպինձայի քաղաքապետարաններ, որոնց ընդհանուր լսարանը կազմում է մոտ 30 միլիոն մարդ։ Կարծում եմ՝ սա մեծ մասսայական կդարձնի տարածաշրջանը և մեծ եկամուտներ կբերի տեղի բնակչությանը»,- ասաց նա։
«Հացի փառատոնն» անցկացրել է «Էլկանա» կենսաբանական տնտեսությունների ասոցիացիան՝ Սամցխե-Ջավախեթիի նպատակակետ կառավարման կազմակերպության (DMO) և Ախալցիխեի քաղաքապետարանի հետ համատեղ։ «Հացի փառատոնը» մեկօրյա միջոցառում է, որը նախաձեռնում է «Էլկանա»-ն 2010 թվականից։
Այն Ախալցիխեում անցկացվում է արդեն չորրորդ անգամ։ Փառատոնի նպատակն է խթանել ցորենի տեղական սորտերի վերականգնումն ու առաջմղումը, հնարավորինս շատ ֆերմերների ներգրավել այդ գործունեությանը և խթանել տեղական արտադրանքի/կարճ, կոոպերատիվ մատակարարման շղթաների վաճառքը:
Opinion, pooling and voting
