Նինոծմինդա քաղաքի երկու փողոցների երկար սպասված ասֆալտապատումը սկսվել է
Ճանապարհաշինական «Ջավախավտոգզա» ընկերությունը սկսել է Նինոծմինդա քաղաքի երկու փողոցների ասֆալտապատման աշխատանքները։
Ներկայում հողաշերտի հեռացում է կատարվում, որից հետո կիրականացվեն լցոնման ու հարթեցման աշխատանքները, ինչին կհաջորդի ասֆալտապատման աշխատանքները։
Նինոշվիլի և Կապուտիկյան փողոցների ասֆալտապատման համար գումարը տրամադրվում է տարածաշրջանային զարգացման հիմնադրամից։
Նինոծմինդա քաղաքի Նինոշվիլի փողոցի ասֆալտապատման համար՝ 105 915 լարի; Կապուտիկյան փողոցի ասֆալտապատման համար՝ 232 152 լարի։
Ինչպես մեկնաբանեցին քաղաքապետարանից, այս փողոցներում ասֆալտապատումն իրականացվում է հին նախագծերով, որոնք եղել են, հետևաբար նախագծով ջրահեռացման փոսեր նախատեսված չեն եղել։ Սակայն Ճոճաշենի հատվածում կա փողոց, որտեղ նախատեսված է դրենաժային համակարգ։ Այնտեղի բնակիչները չեն ցանկանում այս աշխատանքների իրականացումը, ուստի այս նախագիծը կվերահղվի Նինոշվիլի փողոց։
Ինչպես նշել են Նինոշվիլի փողոցի բնակիչները, իրենք երկար են սպասել այս պահին, երբ հնարավոր կլինի մաքուր ու կոկիկ քայլել փողոցով։ Եթե ջրատար սարքեն, ավելի լավ կլինի։
Նշենք, որ այս փողոցները հեղեղվում էին ամեն հորդառատ անձրեւի և ձյան հալման ժամանակ։ Տեղումները գործնականում փակել են փողոցի ճանապարհային երթեւեկությունը։ Նույնիսկ չոր եղանակին փողոցներում խոր փոսերը խնդիր էին ստեղծում։ Բնակիչները խնդրեցին տեղի քաղաքապետարանին ուշադրություն դարձնել խնդրի վրա: Այս մասին մի քանի անգամ հեռարձակել է նաև NOR ռադիոն։ Այս տարի վերջապես այս փողոցի խնդիրը կլուծվի.
Opinion, pooling and voting
