Փորձագետները մինչև տարեվերջ ակնկալում են ռուբլու աննշան անկում

Դոլարի փոխարժեքը մինչև տարեվերջ կարող է հասնել առավելագույնը 67 ռուբլու՝ առևտրային հաշվեկշռի նվազման պայմաններում, հարկաբյուջետային կանոնների անհավանական վերականգնումը դոլարը կհասցնի մինչև 70 ռուբլու, կարծում են ՌԻԱ Նովոստիին հարցազրույց տված փորձագետները։
Ռուբլին 2022 թվականին ցույց տվեց տատանումների լայն շրջանակ։ Այսպիսով, դոլարի փոխարժեքը 2021-ի տարեվերջի մակարդակից (74,68 ռուբլի) սրված աշխարհաքաղաքական ռիսկերի և աննախադեպ պատժամիջոցների ֆոնին մինչև մարտի 10-ը բարձրացավ՝ հասնելով 121,53 ռուբլի պատմական առավելագույն ցուցանիշին։ Դրանից հետո ՌԴ իշխանությունների հակապատժամիջոցային քայլերի շնորհիվ հունիսին պատկերը փոխվեց։ Նոյեմբերի սկզբին դոլարը փորձում է դիրքեր գրավել 62 ռուբլու մակարդակում։

ԵՄ-ի և ԱՄՆ-ի իշխանությունները դեռևս չեն որոշել ռուսական նավթի սահմանային գների մակարդակը, և այս որոշումն ինքնին երկիմաստ է թվում «սև ոսկու» համաշխարհային գների առումով, կարծում է Զենիթ բանկից Վլադիմիր Եվստիֆեևը։

«Եթե Ռուսաստանի Դաշնությունը հրաժարվի հումք վաճառել այն երկրներին, որոնք կորոշեն գների առաստաղը, դա կդառնա էներգակիրների դեֆիցիտի առաջացման պատճառ և անխուսափելիորեն կհանգեցնի նավթի գների բարձրացմանը»,- ավելացրել է նա։ shantnews.am