Վրաստանի իշխող կուսակցությունը կոչ է արել չվստահել ամերիկյան IRI հարցումներին
Իշխող «Վրացական երազանք» կուսակցությունը հայտարարել է, որ Վրաստանում հետազոտությունները Ամերիկյան միջազգային հանրապետական ինստիտուտի (IRI) համար «անցկացվում են տեղական ընկերության կողմից, որը շատ կասկածելի համբավ ունի»։
«Այս ընկերության կապը «Միացյալ ազգային շարժման» հետ եղել է տարիներ շարունակ։ Ցավոք սրտի, մեր կասկածներն արտահայտված են կոնկրետ տվյալներով, այստեղ շատ պարզ է, որ մանիպուլյացիաների նկատմամբ որոշակի շահ կա»,- ասել է «Վրացական երազանք»-ի առաջնորդ Իրակլի Կոբախիձեն։
Հատկապես, ըստ նրա, դա վերաբերում է քաղաքական կուսակցությունների վարկանիշներին. Նախօրեին հրապարակված IRI-ի սոցհարցման համաձայն՝ այսօր Վրացական երազանքին պատրաստ է աջակցել ընտրողների 25%-ը։
Կոբախիձեն, ի պատասխան, պնդում է, որ «Վրաստանի յուրաքանչյուր երկրորդ քաղաքացին աջակցում է «Վրացական երազանքին», և դա ցույց տվեցին վերջին ընտրությունները։
«Այս աջակցության շնորհիվ «Վրացական երազանք»-ին միշտ հաջողվել է ջախջախիչ հաղթանակ տանել՝ լինի դա խորհրդարանական, թե տեղական ինքնակառավարման մարմինների ընտրություններ: Ամեն անգամ ընտրություններից առաջ եղել են նման շահարկումներ, ամեն անգամ արմատական ընդդիմությունը միշտ ստել է իր ընտրողներին, այդ թվում՝ այդ ուսումնասիրությունների օգնությամբ»,- ասել է Կոբախիձեն։
Opinion, pooling and voting
